மட்டக்களப்பில சட்டவிரோத மின் பாவனையில் ஈடுபட்ட 26பேர் கைது

(ஸரீபா)

மட்டக்களப்பு மாவட்டத்தின் வாழைச்சேனை பொலிஸ் பிரிவில் சட்ட விரோத மின் பாவனையில் ஈடுபட்டார்கள் என்ற சந்தேகத்தின் பேரில் 26 பேர் கைது செய்யப்பட்டுள்ளனர்.

கொழும்பில் இருந்து வந்த இலங்கை மின்சார சபையின் விசேட குழுவினர் வாழைச்சேனை பொலிஸாரின் உதவியுடன் கிரான், புணானை, ரிதிதென்ன, வாழைச்சேனை, பிறைந்தரைச்சேனை போன்ற பிரதேசங்களில் நடத்திய தேடுதலின் போதே இச்சந்தேக நபர்கள் கைது செய்யப்பட்டுள்ளனர்.

சந்தேக நபர்கள் இன்று வாழைச்சேனை நீதிமன்றில் ஆஜர் படுத்தப்பட்டு தண்ணடப்பணம் செலுத்திய பின்னர் விடுதலை செய்யப்பட்டதாக வாழைச்சேனை பொலிஸார் தெரிவித்தனர்.