மட்டக்களப்பில் 34 ஏக்கரில் இறால் வளர்ப்பு

(ஜிப்ரான்)
மட்டக்களப்பு மாவட்டத்தில் 34 ஏக்கர் பரப்பளவில் 20 இலட்சம் இறால் குஞ்சுகள் விடப்பட்டு வளர்க்கப்பட்டு வருவதாக மாவட்ட தேசிய நீர்வாழ் உயிரின வளர்ப்பு அபிவிருத்தி அதிகார சபையின் நீர் உயிரியியலாளர் எஸ்.ரவிக்குமார் தெரிவித்தார்.

காவத்தமுனை, மீராவோடை, திருப்பெருந்துறை, முதலைக்குடா, நாவற்காடு ஆகிய இடங்களில் இறால் பண்ணைகள் அமைக்கப்பட்டு இறால் குஞ்சுகள் விடப்பட்டுள்ளன.

கடந்த வருடம் இம்மாவட்டத்தில் 94 ஏக்கரில் 32 லட்சம் இறால் குஞ்சுகள் விடப்பட்டு அறுவடை செய்யப்பட்டதாக அவர்மேலும் தெரிவித்தார்.

தற்போது விடப்பட்டிருக்கும் இறால் குஞ்சுகளின் அறுவடை எதிர்வரும் டிசெம்பர் மாதத்தில் நடைபெறுமென அவர் மேலும் தெரிவித்தார்.