ஹஜ், உம்றா முகவர்கள் சங்கத்தின் ஒன்றுகூடல்

கிழக்கு மாகாணத்திலுள்ள ஹஜ், உம்றா முகவர்கள் சங்கத்தின் ஒன்றுகூடல், அச்சங்கத்தின் தலைவர் மௌலவி எம்.ஐ.ஹுஸைனுத்தீன் றியாழி தலைமையில், காத்தான்குடியில் இன்று (15) நடைபெற்றது.

இதில் சங்கத்தின் செயலாளர் எம்.எஸ்.எப்.ஆர்.முகத்தஸி, பொருளாளர் எஸ்.எம்.எம்.சமீம், கிழக்கு மாகாண ஹஜ், உம்றா முகவர் நிறுவனங்களின் பிரதிநிதிகள் கலந்துகொண்டனர்.

சங்கத்தின் எதிர்கால வேலைத்திட்டங்கள் தொடர்பாகவும் கிழக்கு மாகாணத்திலுள்ள ஹஜ், உம்றா முகவர்கள், ஹாஜிகளிடத்தில் ஒரே விதமான கட்டணத்தை அறவிடுவது தொடர்பாகவும் ஹாஜிகளின் நலன்கள் குறித்தும் இதன்போது ஆராயப்பட்டதாகவும் சங்கத்தின் தலைவர் தெரிவித்தார்.