எல்ல-வெல்லவாய பிரதான வீதியில் வாகன பயன்பாட்டுக்கு தடை

மண்சரிவு எச்சரிக்கையை கருத்திற்கொண்டு எல்ல-வெல்லவாய பிரதான வீதியில் வாகன பயன்பாட்டைக் குறைக்குமாறு அனர்த்த முகாமைத்துவ நிலையம் பொதுமக்களை கோரியுள்ளது.

தொடர் மழை காரணமாக மேற்படி பிரதேசத்தின் பல பகுதிகளில் சனிக்கிழமை(21) இரவு, மண்மேடுகள் சரிந்து விழுந்துள்ளன. மண்சரிவை கருத்திற்கொண்டு சனிக்கிழமை மாலை முதல் இவ்வீதி வழியான போக்குவரத்தும் குறைக்கப்பட்டுள்ளது.

இந்நிலைமை நீடிப்பதால் இவ்வீதியினூடான போக்குவரத்தை குறைக்குமாறு அனர்த்த முகாமைத்துவ நிலையம் மக்களை மேலும் கோரியுள்ளது.