விபத்தில் நால்வர் படுகாயம்

கே.புஸ்பராஜ்

நுவரெலியா, வெலிமடை பிரதான வீதியில் நுவரெலியா பொல்காவங்குவ சந்தியில் நேற்று வெள்ளிக்கிழமை (04) மாலை இடம்பெற்ற விபத்தில், நால்வர் படுகாயமடைந்த நிலையில் நுவரெலியா வைத்தியசாலையில் அனுமதிக்கப்பட்டுள்ளனர்.

வெலிமடை, பொரலந்த பகுதியிலிருந்து சிவனொளிபாதமலைக்குச் சென்ற தனியார் பஸ் ஒன்று, பிரதான வீதியில்; குடைசாய்ந்து விபத்துக்குள்ளாகியுள்ளது.

குறித்த பஸ் சாரதியின் கவனக்குறைவே இவ்விபத்துக் காரணம் என பொலிஸார் தெரிவித்தனர்.

இவ்விபத்து குறித்த மேலதிக விசாரணைகளை நுவரெலியா பொலிஸார் மேற்கொண்டு வருகின்றனர்.