ஹெரோய்ன் வியாபாரி உட்பட இருவர் கைது

மொஹொமட் ஆஸிக்

கட்டுகஸ்தோட்டை, உக்குரஸ்ஸபிட்டிய பிரதேசத்தில் 50 மில்லிகிராம்; ஹெரோய்ன் போதைப்பொருளை வைத்திருந்த வியாபாரி ஒருவரையும் அவரிடம் போதைப்பொருள் கொள்வனவு செய்த இரண்டு சந்தேக நபர்களையும் கட்டுகஸ்தோட்டை பொலிஸார் செவ்வாய்க்கிழமை (15) கைதுசெய்துள்ளனர்.

மேற்படி நபர், அலைபேசி மூலம் பணப் பரிமாற்றம் (eZ-cash) செய்து, ஹெரொய்ன் போதைப்பொருள் விற்பனையில் ஈடுபட்டு வந்துள்ளார். இதன்போது, போதைப்பொருளைக் கொள்வனவு செய்தவர்களிடமிருந்து தலா 40 மில்லிகிராம் போதைப்பொருள் பொலிஸாரினால் கைப்பற்றப்பட்டுள்ளது.

இது தொடர்பில் கிடைத்த தகவலையடுத்து விசாரணைகளை மேற்கொண்ட பொலிஸார், மேற்படி வியாபாரியையும் அவரிடமிருந்து ஹெரோய்ன் கொள்வனவு செய்த இருவரையுமே இவ்வாறு கைதுசெய்துள்ளனர்.