மத்திய மாகாணத்தில் சீரற்ற காலநிலை காரணமாக மூடப்பட்ட பாடசாலைகள் 17இல் ஆரம்பம்

(மொஹொமட் ஆஸிக்)

மத்திய மாகாணத்திலுள்ள அனைத்து பாடசாலைகளும் எதிர்வரும் 17ஆம் திகதி மீண்டும் ஆரம்பிக்கப்படவுள்ளதாக மத்திய மாகாண கல்வி அமைச்சு அறிவித்துள்ளது.

இது சம்பந்தமான சுற்றுநிரூபம் இன்று வியாழக்கிழமை  வெளியிடவுள்ளதாக மத்திய மாகாண கல்வி பணிப்பாளர் விஜேசிறி ஹேரத் தெரிவித்தார்.

மத்திய மாகாணத்தில் நிலவிய சீரற்ற காலநிலையால்  மாணவர்களுக்கு பாடசாலைகளுக்கு வரும்போது ஏற்படும் சிரமங்களை கருத்திற்கொண்டு  இவ்வாரம் பாடசாலைகளுக்கு விடுமுறை வழங்கியதாகவும் அவர் கூறினார்.