டெங்கு ஒழிப்புக்கு இடையூறு விளைவித்த குற்றச்சாட்டில் பௌத்த பிக்கு கைது

(எம்.எஸ்.குவால்தீன்)

டெங்கு ஒழிப்பு நடவடிக்கைகளில் ஈடுப்பட்டிருந்த குழுவினருக்கு இடையூறு விளைவித்த குற்றச்சாட்டில் பெளத்த பிக்கு ஒருவரை வத்துகாமம் பொலிஸார் இன்று பகல் கைது செய்துள்ளனர்.

டெங்கு ஒழிப்பு வாரத்தை முன்னிட்டு இன்று வத்துகாமம் பொலிஸ் பிரதேசத்தில் பொது சுகாதார அதிகாரிகள் மற்றும் பொலிஸார் உட்பட பலர் டெங்கு ஒழிப்பு நடவடிக்கைகளில் ஈடுப்பட்டு பல்வேறு இடங்களில் பரிசோதனைகளை மேற்கொண்டிருந்தனர்.

இதன் போது பௌத்த பிக்கு ஒருவர் இக்குழுவினரின் நடவடிக்கைகளுக்கு இடையூறு விளைவித்தாக குற்றம் சுமத்தப்பட்டுள்ளது.

பொலிஸார் அவரை கைது செய்து விசாரணைக்கு அழைத்துச் சென்று வாக்கு மூலங்களை பதிவு செய்த பின்னர், எதிர்வரும் 14ஆம் திகதி நீதிமன்றத்தில் ஆஜராகக் வேண்டும் என அறிவித்து அவரை வீடு செல்ல அனுமதித்தனர்.