விளைச்சல் செய்யப்படாத நெல்வயல்கள் அரசால் பொறுப்பேற்கப்படும்: பிரதமர்

நாட்டில் விளைச்சல் செய்யப்படாத அனைத்து  நெல்வயல்களும் அரசாங்கத்தால் பொறுப்பேற்கப்பட்டு நெல்லுற்பத்தி மேற்கொள்ளப்படும் என பிரதமர் டி.எம். ஜயரட்ன கூறியுள்ளார்.

நாட்டின் இளைஞர்கள் மீண்டும் அரிசி உற்பத்திக்கு அறிமுகப்படுத்தப்பட வேண்டும் எனவும் இதன் மூலம் நாட்டின் விவசாயத்துறையை முன்னேற்ற முடியும் எனவும்  அவர் கூறினார்.

கம்பளை ரன்முல்கடுவையில் வயல்நிலமொன்றை செப்பனிடும் நிகழ்வொன்றில் பங்குபற்றியபோதே பிரதமர் இவ்வாறு  தெரிவித்துள்ளார்.

"எமது பொருளாதார இலக்குகளை அடைவதற்கு பொருளாதார அபிவிருத்தி முக்கியமானது. விவசாயத்தின் முக்கியத்துவத்தை புரிந்துகொள்ள வேண்டும். இன்று எமது இளைஞர்கள் பலர் நெல் விளைச்சலில் ஈடுபடுவதற்கு தயங்குகின்றனர். உலகில் அபிவிருத்தியடைந்த நாடுகள் அனைத்தும் கடின உழைப்பின் மூலமே அபிவிருத்தியடைந்தன என பிரதமர் டி.எம். ஜயரட்ன கூறினார். தரிசு நிலங்கள் தேசிய விரயமாகும் எனவும் அவர் தெரிவித்தார். DM. (Pix by: Prime Minister’s Media Unit)