கண்டி வைத்தியசாலையில் புற்றுநோய் பிரிவு

(மொஹொமட் ஆஸிக்)

கண்டி பிரதான வைத்தியசாலையில் 700 மில்லியன் ரூபாய் செலவில் நிர்மாணிக்கப்படவுள்ள புற்றுநோய் பிரிவிற்கான கட்டடப் பணிகளை  எதிர்வரும் ஜனவரி மாதம் ஆரம்பிக்கவுள்ளதாக சுகாதார அமைச்சு அறிவித்துள்ளது.

இக்கட்டட பணிகளுக்கு நிதியுதவி சேர்ப்பதற்கான கலந்துரையாடலொன்று கண்டி வைத்தியசாலையில் நேற்றுமுன்தினம் செவ்வாய்க்கிழமை நடைபெற்றது. இதன்போதே மேற்படி விடயம் தெரிவிக்கப்பட்டது.

மத்திய மாகாணத்திலுள்ள அனைத்து புற்றுநோயாளர்களுக்கும் கண்டி புற்றுநோய்ப் பிரிவு மிகவும் பிரயோசனமாக இருக்குமென தெரிவிக்கப்படுகிறது.