மதுபோதையுடன் வாகனம் செலுத்திய 22 பேர் கைது

(சி.எம்.ரிஃபாத்)

கண்டி நகரில் மதுபோதையுடன் வாகனங்களை செலுத்திய 22 சாரதிகளை கண்டி பொலிஸார் கைதுசெய்துள்ளனர்.

கண்டி பொலிஸார் நேற்று சனிக்கிழமை முதல் இன்று காலை அதிகாலை வரை கண்டி நகரின் ஊடாக போக்குவரத்து செய்யும் வாகனங்களை பரிசோதனைக்குட்படுத்தியுள்ளனர்.

இச்சோதனைகளின்போதே, பொலிஸார் மதுபோதையுடன் வாகனங்கள் செலுத்திய 22 சாரதிகளையும் கைதுசெய்துள்ளனர்.

இவர்களுக்கு எதிராக வழக்கு தொடர்வதற்கான நடவடிக்கைகளை பொலிஸார் மேற்கொண்டு வருகின்றனர்.