தொடர் மழையால் போக்குவரத்துகள் ஸ்தம்பிதம்

எம்.ஏ.எம்.ஹசனார்

நாட்டில் தற்போது ஏற்பட்டுள்ள அசாதாரண வானிலை காரணமாக, வெள்ள அனர்த்தங்களும் மண்சரிவு ஏற்பட்டு, பல்வேறு வீதிகளுக்கான போக்குவரத்துகள் ஸ்தம்பிதம் அடைந்துள்ளன.

இந்நிலையில், ​நேற்று (09), பெய்த கடும் மழை காரணமாக, வெலிமடை வைத்தியசாலை அமைந்துள்ள மலைப் பகுதி சரிந்து விழுந்ததில், வெலிமடை - உடபுஸ்ஸலாவ வீதியின் ஒரு பகுதி தாழிறங்கி, குறித்த வீதிக்கான போக்குவரத்து முற்றாக பாதிக்கப்பட்டுள்ளது.

குறித்த வீதியைச் சீர் செய்வதற்கு, வெலிமடை பொலிஸார் காவலரண் அமைத்து, வீதி போக்குவரத்து அதிகாரச சபை, பிரதேச செயலகம், மண்மேடை அகற்றி வருகின்றனர்.

இது இவ்வாறிருக்க, வெலிமடை - நுவரெலியா வீதியில், வெலும்கல பகுதியின் 83ஆம் மைல் கல்லுக்கு அருகில் ஏற்பட்ட மண்சரிவில், குறித்த வீதி முழுமையாக மூடப்பட்டு, நேற்று (09), போக்குரவத்து பல மணிநேரம் ஸ்தம்பிதம் அடைந்திருந்தது.