கொழும்பு மாநகர முதல்வர் பதவிக்கு போட்டியிடுவேன் : சி.வை.பி. ராம்

கொழும்பு மாநகர சபைக்கான தேர்தல் நடத்தப்படும்போது அதில் ஐக்கிய தேசியக் கட்சியின் மாநகர முதல்வர் வேட்பாளராக தான் போட்டியிடவுள்ளதாக அக்கட்சியின் கொழும்பு மாவட்ட அமைப்பாளரும் மேல் மாகாண சபை உறுப்பினருமான சி.வை.பி. ராம், தமிழ் மிரர் இணையத் தளத்திற்குத் தெரிவித்தார்.

'கடந்த நாடாளுமன்றத் தேர்தலில் நான் போட்டியிட விரும்பியபோதிலும் எனது பெயர் கடைசி நேரத்தில் வேட்பாளர் பட்டியலிலிருந்து நீக்கப்பட்டது.

அவ்வேளையில் கொழும்பு மாநகர சபை மேயர் வேட்பாளராக நான் நியமிக்கப்படுவேன் என கட்சித் தலைவர் ரணில் விக்கிரமசிங்க என்னிடம் உறுதியளித்திருந்தார். அதன்படி நான் இப்பதவிக்குப் போட்டியிடுவேன். கட்சியின் செயற்குழு கூட்டத்தில் இது குறித்த இறுதித் தீர்மானம் மேற்கொள்ளப்படும்' என ராம் மேலும் தெரிவித்தார்.