மன்னார் அமுதனின் 'அக்குரோணி' கவிதைநூல் வெளியீடு

மன்னார் அமுதனின் இரண்டாவது கவிதைத் தொகுப்பான 'அக்குரோணி' வெளியீட்டு விழா நேற்று ஞாயிற்றுக்கிழமை கொழும்பு தமிழ் சங்கத்தில் இடம்பெற்றது. இந்நிகழ்விற்கு மருத்துவ கலாநிதி எம்.கே.முருகானந்தன் தலைமை தாங்கினார். வீரகேசரி வாரவெளியீடுகளின் பிரதம ஆசிரியர் வீ.தேவராஜ் பிரதம அதிதியாக கலந்துகொண்டிருந்தார்.

மங்கல விளக்கேற்றுகையுடன் ஆரம்பித்த 'அக்குரோணி' கவிதை நூல் வெளியீட்டு விழாவின் வரவேற்புரையை கொழும்பு திருமறை கலாமன்றத்தின் இணைப்பாளர் அம்புறோஸ் பீற்றர் நிகழ்த்தினார். அதனைத் தொடர்ந்து மன்னார் அமுதனின் மனைவி மைதிலி – தமிழ்தாய் வாழ்த்து இசைத்தார். சக்தி பண்பலைகளின் தயாரிப்பாளர் ஆ.ராஜ்மோகன் நூல் அறிமுகத்தினை செய்தார். மூத்த கவிஞர் அஷ்ரப் சிகாப்தீன் - அக்குரோணி நூலின் நயவுரையினை நிகழ்த்தினார். அதனைத் தொடர்ந்து அதிதிகளின் உரைகள் இடம்பெற்றன.

முதற்பிரதியினை வீரகேசரி வாரவெளியீடுகளின் பிரதம ஆசிரியர் வீ.தேவராஜிடமிருந்து புரவலர் ஹாஸிம் உமர் பெற்றுக்கொண்டார். Pix: Kithsri De Mel