வடக்குமாகாண மீளாய்வு அபிவிருத்திக் குழுக்கூட்டம் வவுனியா இராணுவமுகாம் தலைமையகத்தில்

(தாஸ்)

வடக்குமாகாண மீளாய்வு அபிவிருத்திக் குழுக்கூட்டம் எதிர்வரும் 19ஆம் திகதி செவ்வாய்க்கிழமை வவுனியா இராணுவமுகாம் தலைமையகத்தில் நடைபெறவுள்ளது. இந்நிகழ்வில் ஜனாதிபதி மகிந்த ராஜபக்ஷ கலந்துகொள்ளவுள்ளதாகவும் அறிவிக்கப்பட்டுள்ளது.

இதற்கான கலந்துரையாடல் யாழ். மாவட்ட செயலகத்தில் நேற்று திங்கட்கிழமை, வடக்கு மாகாணத்தின் அரசாங்க அதிபர்களுடன் நடைபெற்றது. இக் கலந்துரையாடலில் கலந்துகொண்ட வடக்கு மாகாண ஆளுநர் ஜி.ஏ.சந்திரசிறி, அமைச்சர் டக்ளஸ் தேவானந்தா ஆகியோர், எதிர்வரும் 19ஆம் திகதி நடைபெறவுள்ள வடக்கு மாகாண அபிவிருத்திக் கூட்டம் தொடர்பாக ஆராய்ந்துள்ளனர்.