யாழ். விபத்தில் ஒருவர் பலி

யாழ். கைதடி பகுதியில் இன்று சனிக்கிழமை காலை 7.30 மணியளவில் பஸ் வண்டியொன்று மோட்டார் சைக்கிளுடன் மோதியதில் ஒருவர் உயிரிழந்துள்ளார்.

யாழ்பாணத்திலிருந்து திருகோணமலைக்குச் சென்ற இலங்கை போக்குவரத்து சபை பஸ்ஸும் யாழ்ப்பாணம் நோக்கி வந்து கொண்டிருந்த மோட்டார் சைக்கிளும் நேருக்கு நேர் மோதியுள்ளது.

இவ்விபத்தில் உயிரிழந்தவர் யாழ்பாணம் மன்னார் பண்ணையைச் சேர்ந்த இரண்டு பிள்ளைகளின் தந்தையான பாலசந்திரன் ஜெயபாலன் (30) என அடையாளம் காணப்பட்டுள்ளார்.

இவ்விபத்து தொடர்பான மேலதிக விசாரணைகளை யாழ். பொலிஸார் மேற்கொண்டு வருகின்றனர்.