யாழ். போதனா வைத்தியசாலையின் சட்ட வைத்திய அதிகாரி பிரிவில் ஆளணிப் பற்றாக்குறை

(பாலமதி)

யாழ். போதனா வைத்தியசாலை சட்ட வைத்திய அதிகாரி பிரிவுக்கு ஆளாணிப் பற்றாக்குறை நிலவுவதால் இங்கு கடமைகளை மேற்கொள்வதில் பெரும் நெருக்கடி நிலை காணப்படுவதாக சட்ட வைத்திய அதிகாரி கே. ரட்ணசூரி தெரிவித்துள்ளார்.

இது தொடர்பாக அவர் மேலும் தெரிவித்துள்ளதாவது:

யாழ். போதனா வைத்தியசாலையின் சட்ட வைத்திய அதிகாரி பிரிவில் 2 சட்ட வைத்திய அதிகாரிகள் மட்டுமே கடமையாற்றி வருகின்றனர்.

அதுமட்டுமன்றி கணினி உள்ளபோதிலும் கணினி இயக்குநர் ஒருவர் இங்கு இல்லாமை பெரும் நெருக்கடியைத் தோற்றுவிக்கின்றது. தட்டச்சாளர் ஒருவர் மட்டுமே கடமையாற்றி வருகின்றார். இதனால் தரவுகளைச் சேகரிக்க முடியாத நிலைமையும் காணப்படுகின்றது- என்றார்.