யாழ். அரச அதிபருக்கு இராணுவப் பாதுகாப்பு

(கவிசுகி)

யாழ். மாவட்ட அரசாங்க அதிபர் திருமதி இமெல்டா சுகுமார், தனக்கு இனந்தெரியாத நபர்கள் தொலைபேசி மூலம் மிரட்டல் விடுத்துள்ளதாக தெரிவித்துள்ளார். இதையடுத்து அவரின் வாசஸ்தலத்திற்கு இராணுவப் பாதுகாப்பு வழங்கப்பட்டுள்ளது.

நல்லிணக்க ஆணைக்குழுவின் முன்னிலையில் தான் அளித்த சாட்சியம் தொடர்பாகவே மிரட்டல்கள் விடுக்கப்பட்டதாகவும் வெளிநாட்டு தொலைபேசி இலக்கங்களிலிருந்து வந்த அழைப்பின் மூலமே இம்மிரட்டல்கள் விடுக்கப்பட்டதாகவும் இன்று யாழ்ப்பாணத்தில் செய்தியாளர்களிடம் அவர் தெரிவித்தார்.

இது தொடர்பாக இராணுவ உயரதிகாரிகளுக்கு தான் அறிவித்துள்ளதாக கூறிய அவர், தனது பாதுகாப்புக்காக இரு பொலிஸ் உத்தியோகஸ்தர்களை நியமிக்குமாறு தான்  கோரிக்கை விடுத்துள்ளதாகவும் தெரிவித்தார்.