சாவகச்சேரியில் சந்தேகத்திற்கிடமாக நடமாடிய ஐவர் கைது

(தாஸ்)

யாழ். தென்மராட்சி சாவகச்சேரி இந்துக் கல்லூரியின் பின்புறமாக நேற்றிரவு  9 மணியளவில் ரோந்து நடவடிக்கையில் ஈடுபட்டிருந்த பொலிஸார், வெள்ளை வானில் வந்து சந்தேகத்திற்கிடமாக நடமாடிய ஐவரைக் கைதுசெய்துள்ளனர்.  

சாவகச்சேரி இந்துக் கல்லூரிப் பகுதிக்கு சென்ற பொலிஸார், அங்கு தரித்திருந்த  வெள்ளை வானை  சுற்றிவளைத்துடன்,  அதற்குள் இருந்த 6 பேரையும் கைதுசெய்ய முற்பட்டபோது அதில் ஒருவர் தப்பியோடிய நிலையில் ஏனைய 5 பேரையும் கைதுசெய்துள்ளனர்.

அத்துடன், குறித்த  வானையும் பொலிஸார் எடுத்துச் சென்றுள்ளனர்.