யாழ். மந்திகையில் தூக்குக் காவடி தடம் புரண்டதில் நால்வர் காயம்

(கவிசுகி)

வல்லிபுரத்தாள்வார் கோயில் திருவிழாவிற்கு நேர்த்திக்கடன் நிறைவேற்றுவதற்காக வந்த தூக்குக்காவடி தடம் புரண்டதில் ஒருவர் படுகாயமடைந்த நிலையில் சிகிச்சைக்காக மந்திகை ஆதார வைத்தியசாலையில் அவசர சிகிச்சைப்பிரிவில் அனுமதிக்கப்பட்டுள்ளார்.

இன்று திங்கள் கிழமை காலை ஒரு தூக்குக் காவடியில் 3 சகோதரர்கள் ஒன்றாக தெங்கியபடி வந்தவேளை மந்திகை முறாவில் பகுதியில் உள்ள வீதி வளைவில் தூக்குக்காவடி திரும்பும் போது உழவு இயந்திரம் குடைசாய்ந்தே இந்த விபத்து ஏற்பட்டுள்ளது.

இச் சம்பவத்தில் ஒருவர் தலையிலும், முதுகிலும் பலத்த காயம் ஏற்பட்ட நிலையில் வைத்தியசாலையில் அனுமதிக்கப்பட்டுள்ளார்.

மேலும் மூவர் உடல் முழுவதும் பரத்த காயம் ஏற்பட்ட நிலையில் நேர்த்திக் கடனைமுடிப்பதற்காக நடைபயணம் மூலம் வல்லிபுரக் கோயிலைச் சென்றடைந்துள்ளனர்.