உறவினர் வீட்டில் விருந்து; அயல்வீட்டில் கைவரிசை

-செல்வநாயகம் கபிலன்

வேலணை 6ஆம் வட்டாரப் பகுதியில் உறவினர் வீட்டுக்கு விருந்து சென்று அயல்வீட்டில் இருந்த பொருட்களைத் திருடிய சந்தேகநபர் ஒருவரை இன்று திங்கட்கிழமை (03) கைது செய்துள்ளதாக ஊர்காவற்றுறை பொலிஸார் தெரிவித்தனர்.

சாவகச்சேரியைச் சேர்ந்த சந்தேகநபர் கடந்த 1 ஆம் திகதி வேலணைப் பகுதியிலுள்ள உறவினர் வீட்டுக்கு விருந்துக்குச் சென்றுள்ளார். அயல் வீட்டில் வயோதிப் பெண்ணொருவர் தனித்திருந்த வேளையில், அந்த வீட்டுக்குச் சென்று அங்கிருந்த இரண்டு பாட்டுப் பெட்டிகள் மற்றும் டி.வி.டி. பிளையர் ஆகியவற்றை திருடிச் சென்றுள்ளார்.

இது தொடர்பில் பொருட்களின் உரிமையாளரான இளைஞர் ஒருவர் ஊர்காவற்றுறை பொலிஸ் நிலையத்தில் முறைப்பாடு பதிவு செய்தார்.

முறைப்பாட்டின் பிரகாரம் விசாரணைகளை மேற்கொண்ட பொலிஸார், சந்தேகநபர் பொருட்களை சாவகச்சேரிக்கு கொண்டு செல்வதற்காக திங்கட்கிழமை பஸ்ஸூக்காக காத்திருந்த வேளையில் பொலிஸாரால் கைது செய்யப்பட்டார்.