ரஜரட்ட பல்கலை மாணவர்கள் அறுவருக்கு வகுப்புத்தடை

(ஆகில் அஹமட்)
    
ரஜரட்ட பல்கலைக்கழக மருத்துவபீட மாணவர்கள் ஆறுபேர் வகுப்புத் தடைக்கு உட்படுத்தப்பட்டுள்ளதாக பல்கலைக்கழக உபவேந்தர் பேராசிரியர் கே.எச்.நந்தசேன அறிவித்துள்ளார்.

கடந்த திங்களன்று உபவேந்தர் உடபட்ட அதிகாரிகளை சாலியபுரவில் அமைந்துள்ள மருத்துவ பீட வளாகத்தில் 3 மணித்தியாலங்கள் வரை தடுத்து வைத்திருந்தமை தொடர்பாக எடுக்கப்பட்ட தீர்மானங்களுக்கமைவாகவே சம்பவத்திற்கு முன்னின்ற மருத்துவ பீடத்தின் இறுதிவருட மாணவர்கள் ஆறு பேர் ஐந்து வாரங்களுக்கு வகுப்புத்தடைக்கு உட்படுத்தப்பட்டுள்ளனர்.

இவ்வகுப்புத்தடையானது 29 ஆம் திகதி முதல் நடைமுறைக்கு வருவதாகவும் அறிவிக்கப்பட்டுள்ளது.