அட்லஸ் நிறுவனத்துக்கு விருது

அட்லஸ் அக்ஸிலியா கம்பனி (பிரைவட்) லிமிடெட் நிறுவனத்துக்கு அண்மையில் ஏற்பாடு செய்யப்பட்டிருந்த தேசிய வியாபாரச் சிறப்பு விருதுகள் 2019 நிகழ்வில் உற்பத்தி-ஏனைய துறைக்கான விருது வழங்கி கௌரவிக்கப்பட்டிருந்தது.  

கொழும்பு ஹில்டன் ஹோட்டலில் அண்மையில் ஏற்பாடு செய்யப்பட்டிருந்த தேசிய வியாபார சிறப்பு விருதுகள் வழங்கும் நிகழ்வின் போது இந்த விருது வழங்கி கௌரவிக்கப்பட்டிருந்தமை குறிப்பிடத்தக்கது.

இந்நிகழ்வில் பல்வேறு துறைகளின் முன்னோடிகளும் கலந்து கொண்டிருந்தனர். அட்லஸ் அக்ஸிலியா நிறுவனத்தின் சார்பாக இந்த விருதை முகாமைத்துவ பணிப்பாளர் அசித சமரவீர, செயற்பாடுகளுக்கான பணிப்பாளர் விராஜ் ஜயசூரிய, மனித வளங்கள் தலைமை அதிகாரி லலனி வீராராச்சி ஆகியோர் பெற்றுக் கொண்டனர்.