கல்லாறில் இலங்கை வங்கி கிளை

(றிபாயா நூர், ஜௌபர்கான், தேவ்)

மட்டக்களப்பு மாவட்டத்தில் இலங்கை வங்கியின் 11ஆவது கிளை, இன்று காலை கல்லாற்றில் திறந்து வைக்கப்பட்டது. மீள் குடியேற்ற பிரதியமைச்சர் விநாயகமூர்த்தி முரளிதரன் மற்றும் தமிழ் தேசியக் கூட்டமைப்பின் மட்டக்களப்பு மாவட்ட நாடாளுமன்ற உறுப்பினர் பொன்.செல்வராசா, கிழக்கு மாகாண சபையின் உறுப்பினர் பிரசாந்தன் இலங்கை வங்கியின் கிழக்கு மாகாண உதவி பொது முகாமையாளர் சமிந்த வெலகெதர உட்பட அதிகாரிகள் இந்த வங்கிக் கிளையினை திறந்து வைத்ததுடன் வங்கி நடவடிக்கையையும் ஆரம்பித்து வைத்தனர்.

கிழக்கு மாகாணத்தில் 17 இலங்கை வங்கிக் கிளைகளும் அதன் 21 விரிவாக்கள் கிளைகளும் இயங்கி வருவதாக செயற்பாட்டு முகாமையாளர் ஜெயந்திரா இதன்போது தெரிவித்தமை குறிப்பிடத்தக்கது.