சுகாதாரத் தொண்டர்கள் தெரிவு: ‘முல்லைத்தீவில் 45 பேர் தெரிவு’

-செ.கீதாஞ்சன்

முல்லைத்தீவு மாவட்டத்தில், சுகாதாரத் தொண்டர்கள் நியமனத்தில் முறைகேடுகள் இடம்பெற்றுள்ளதாக, பாதிக்கப்பட்ட சுகாதாரத் தொண்டர்கள் கவலைத் தெரிவித்துள்ளனர்.

முல்லைத்தீவு மாவட்டத்தில், நீண்டகாலமாக சுகாதாரத் தொண்டர்களாகச் சேவையாற்றி வந்த 11 பேருக்கு, நியமனங்கள் வழங்காத நிலையில், அவர்களின் விவரங்கள், 2015ஆம் ஆண்டு, பிராந்தியச் சுகாதாரச் சேவைகள் திணைக்களத்தின் ஊடாக மாகாணச் சுகாதாரச் சேவைகள் பணிப்பாளருக்கு அனுப்பிவைக்கப்பட்டுள்ளது.

ஆனால், இதுவரை நியமனங்கள் வழங்கப்படாத நிலையில், வியாழக்கிழமை (16), முல்லைத்தீவு மாவட்டப் பிராந்தியச் சுகாதரப் பணிமனையில், சுகாதார உதவியாளர்கள் தரம் 111க்கு, 45 பேரை தெரிவுசெய்துள்ளதாக அறிவிக்கப்பட்டுள்ளதாகவும், பாதிக்கப்பட்ட சுகாதாரத் தொண்டர்கள் தெரிவித்துள்ளனர்.