இளைஞர் நாடாளுமன்ற தேர்தல்; மன்னாரில் 15பேர் வேட்புமனு தாக்கல்

(எஸ்.ஜெனி)

எதிர்வரும் 27ம் திகதி நாடளாவிய ரீதியில் நடைபெற இருக்கும் இளைஞர் நாடாளுமன்றத் தேர்தலில் மன்னார் மாவட்டத்தின் 4 பிரதேச செயலாளர் பிரிவுகளில் இருந்தும் 15 இளைஞர்கள் வேட்பு மனுத்தாக்கல் செய்துள்ளதாக மன்னார் தேசிய இளைஞர் சேவைகள் மன்றத்தின் உதவிப்பனிப்பாளர் என்.எம்.முனவ்பர் தெரிவித்தார்.

மன்னார் பிரதேசச் செயலாளர் பிரிவில் 4 இளைஞர்களும், நானாட்டான் பிரதேசச் செயலாளர் பிரிவில் 4 இளைஞர்களும், மடு பிரதேசச் செயலாளர் பிரிவில் 3 இளைஞர்களும்,   மாந்தை பிரதேசச் செயலாளர் பிரிவில் 4 இளைஞர்களுமாக மொத்தம் 15 இளைஞர்கள் வேற்பு மனுத்தாக்கல் செய்துள்ளதாக அவர் மேலும் தெரிவித்தார்.