சேமமடு, பாலமோட்டை பிரதேசங்களில் நடமாடும் சேவை

(ரி.விவேகராசா)

வவுனியா மாவட்டத்தில் அண்மையில் மக்கள் குடியேறிய சேமமடு, பாலமோட்டை கிராமங்களில் மாவட்ட செயலகத்தின் ஏற்பாட்டில் நடமாடும் சேவைகள் நடைபெறவுள்ளது.

எதிர்வரும் 2ஆம் திகதி வியாழக்கிழமை சேமமடு மகா வித்தியாலயத்திலும் மறுநாள் 3ஆம் திகதி வெள்ளிக்கிழமை பாலமோட்டை அரசினர் பாடசாலையிலும் நடமாடும் சேவைகள் இடம்பெறும் என மாவட்ட அரச அதிபர் திருமதி சாள்ஸ் தெரிவித்தார்.

பிரதேச செயலாளர், இறப்பு மற்றும் பிறப்பு பதிவாளர், கல்வி, வீடமைப்பு, சுகாதாரம், நீர்பாசனம், வீதி அபிவிருத்தி உள்ளிட புனரமைப்புடன் தொடர்புடைய சகல சிரேஷ்ட உயர் அதிகாரிகளும் நடமாடும் சேவையின் போது கலந்து கொள்ளவுள்ளார்கள்.

மீள்குடியேறிய மக்களுடைய நலன்கருதியே இந்த நடமாடும் சேவை நடத்த தீர்மானிக்கப்பட்டது எனவும் அரச அதிபர் கூறினார்.