ஒமந்தை பகுதியில் கப்பம் வசூலித்த இருவர் கைது

(ரி.விவேகராசா)

யாழ்ப்பாணத்திலிருந்து கொழும்பிற்கு பொருட்களை ஏற்றி செல்லும் லொறிகளில் ஒமந்தைக்கு அருகாமையில் வைத்து தலா ஐயாயிரம் முதல் பத்தாயிரம் ரூபாய் வரையில் கப்பம் பெற்று வந்த இரு சந்தேக நபர்களை பொலிஸார் கைது செய்துள்ளனர்.

இவர்கள்  தென்னிலங்கையைச் சேர்ந்தவர்கள் என  தெரிவிக்கப்படுகின்றது. அத்துடன் கப்பம் வசூல் நீண்டகாலமாக நடைபெற்று வந்துள்ளமை விசாரணையின் போது தெரியவந்துள்ளது.

இது தொடர்பான மேலதிக விசாரணைகளை பொலிஸார் மேற்கொண்டு வருகின்றனர்.