மோட்டார் சைக்கிள் பழுதுபார்க்கும் நிலையத்தில் தீப்பிடிப்பு

(ரி.விவேகராசா)

வவுனியா முதலாம் குறுக்தெருவில், மோட்டார் சைக்கிள் பழுதுபார்க்கும் நிலையமொன்றில் நேற்றிரவு இடம்பெற்ற மின்சார ஒழுக்கு காரணமாக 23 மோட்டார் சைக்கிள்கள் எரிந்து நாசமாகியுள்ளன.

இங்கு திருத்துவதற்காக நிறுத்தி வைக்கப்பட்டிருந்த அனைத்து மோட்டார் சைக்கிள்களும் எரிந்து தீக்கிரையாகியுள்ளன.

அதிகாலைவேளையில்,  நிலையத்தில் புகைக்கசிவையும்,  பிளாஸ்திக் எரியும் மணம் வருவதையும் அவதானித்த மக்கள் பொலிஸாருக்கு தகவல் தெரிவித்துள்ளனர்.

பொலிசார் தண்ணீர் பவுசருடன் வந்து தீயணைப்பில் ஈடுபட்டபோதிலும் அனைத்து மோட்டார்களும் ஏற்கெனவே எரிந்து தீக்கிரையாகிவிட்டதாக பொதுமக்கள் தெரிவித்தனர்.

இச்சம்பவம் தொடர்பான மேலதிக விசாரணைகளை பொலிஸார் மேற்கொண்டு வருகின்றனர்.