வவுனியாவில் மழை வெள்ளத்தால் பொதுமக்கள் சிரமம்

(ரி.விவேகராசா)

கடந்த சில தினங்களாக வவுனியாவில் பெய்துவரும் கடும் மழை காரணமாக தாழ்வான பிரதேசங்களில் வெள்ளம் ஏற்பட்டுள்ளது. இதனால் குளங்களை அண்டிய பிரதேசங்களில் உள்ள குடியிருப்பாளர்களுடைய வீடுகளுக்குள் வெள்ளம் புகுந்துள்ளதாக தெரிவிக்கப்படுகின்றது.

அநேகமான குளங்கள் நிரம்பி வழிய தொடங்கியுள்ள நிலையில் ; குளங்களின் பாதுகாப்பு கருதி குளங்களின் வான்கதவுகளை திறந்துவிடும்படி நீர்பாசன திணைக்களம் கமநல அமைப்பினருக்கு பணிப்புரைகளை விடுத்துள்ளது.

அத்துடன் குளக்கட்டுகளை அவதானிக்குமாறு ஆலோசணை தெரிவிக்கப்பட்டுள்ளதுடன் இளைஞர்கள் குளங்களில் நீராடுவதினை தவிர்க்குமாறும் வேண்டப்பட்டுள்ளமை குறிப்பிடத்தக்கது.