வாகன விபத்தில் இளைஞர்கள் இருவர் பலி

(ரி.விவேகராசா, எஸ்.ஜெனி)

மன்னார் - மதவாச்சி வீதியில் இசைமாலை தாழ்வு என்ற இடத்தில் இடம்பெற்;ற வீதி விபத்தில் இளைஞர்கள் இருவர் ஸ்தலத்திலேயே பலியாகியுள்ளனர்.

இந்த விபத்துச் சம்பவம் நேற்று வியாழக்கிழமை மாலை இடம்பெற்றது. தனியார் பஸ்ஸொன்றும்  மோட்டார் சைக்கிளும் ஒன்றுடனொன்று மோதிக்கொண்டதாலேயே இவ்விபத்துச் சம்பவம் இடம்பெற்றது.

இசைமாலை தாழ்வைச் சேர்ந்த அன்ரன் செல்வநாயகம் (வயது 25), மரியதாஸ் மதன்ராஜ் (வயது 21) ஆகிய இளைஞர்களே இவ்விபத்தில் பலியானவர்கள் ஆவர்.

மரண விசாரணையின் பொருட்டு சடலங்கள் மன்னார் அரசினர் வைத்தியசாலையில் வைக்கப்பட்டுள்ளது. இவ்விபத்துச் சம்பவம் தொடர்பில் முருங்கன் பொலிஸார் மேலதிக விசாரணைகளை மேற்கொண்டுள்ளனர்.