வாள்வெட்டில், 9 பேர் படுகாயம் : 16 பேர் கைது

முள்ளியவளை கிச்சிராபுரம் பகுதியில் இடம்பெற்ற வாள்வெட்டு சம்பவத்தில், 9 பேர் படுகாயமடைந்து வைத்தியசாலையில் அனுமதிக்கப்பட்டுள்ளனர் என முள்ளியவளை பொலிஸார் தெரிவித்துள்ளனர்.

முள்ளியவளை கிச்சிராபுரம் பகுதியில் நேற்று (26) இரவு இரு கட்சி ஆதரவாளர்களுக்கிடையில் ஏற்பட்ட வாய்த்தர்க்கம் வாள்வெட்டில் முடிவடைந்துள்ளது.

இச்சம்பவத்தில், 9 பேர் காயமடைந்துள்ளதுடன், 16 பேர் கைது செய்யப்பட்டுள்ளனர்.

மேலதிக விசாரணைகளை மேற்கொண்டு வரும் பொலிஸார் சந்தேக நபர்களை நீதிமன்றில் ஆஜர்ப்படுத்த நடவடிக்கை எடுத்துள்ளனர்.