சட்ட விரோதமாக மணல் அகழ்ந்த இருவர் கைது

-செல்வநாயகம் கபிலன்

பளை பகுதியில் அரச காணியில் சட்ட விரோதமான முறையில் மணல் அகழ்ந்த இருவரை, நேற்று வியாழக்கிழமை (13) மதியம் கைது செய்துள்ளதாக பளை பொலிஸார் தெரிவித்தனர்.

கைதான இருவரும், கொடிகாமம் பகுதியினை சேர்ந்த 34, 25 வயதுடைய நபர்கள் எனவும் மணல் அகழ்வுக்கு இவர்கள் பயன்படுத்திய டிப்பர் வாகனத்தையும் கைப்பற்றியுள்ளதாகவும் பொலிஸார் தெரிவித்தனர்.

கைது செய்யப்பட்ட இவர்களை கிளிநொச்சி நீதவான் நீதிமன்றில் ஆஜர்படுத்த பளை பொலிஸார் நடவடிக்கை எடுத்துள்ளனர்.