வரலாற்றில் இன்று: ஏப்ரல் 15

1865: நாடக அரங்கொன்றில் முதல்நாள் சுடப்பட்டு கோமா நிலையிலிருந்த அமெரிக்க ஜனாதிபதி ஆபிரகாம் லிங்கன் உயிரிழந்தார்.

1896: முதலாவது நவீன ஒலிம்பிக் போட்டிகளின் நிறைவு விழா கிறீஸின் ஏதென்ஸ் நகரில் நடைபெற்றது.

1912: நியூயோர்க்கை நோக்கிய தனது கன்னிப் பயணத்தின்போது பனிப்பாறையில் மோதிய 269 மீற்றர் நீளமான,  பிரிட்டனின்  ஆர்.எம்.எஸ்.டைட்டானிக் கப்பல் அதிகாலை 2.20 மணியளவில் மூழ்கியது. 1517 பயணிகள் பலியாகினர்.

1989: பிரிட்டனின் ஹில்ஸ்பரோ நகரில் கால்பந்தாட்டப் போட்டியொன்றின்போது சன நெரிசலில் சிக்கி லிவர் பூல் கழக ரசிகர்கள் 96 பேர் பலியாகினர்.

2002: சீன விமானமொன்று தென்கொரியாவின் பூஸான் பிராந்திய மலையில் மோதி சிதறியதால் 128 பேர் பலி.

2010: ஐஸ்லாந்தில் எரிமலை வெடித்து சாம்பல் பரவியதால் ஐரோப்பாவின் பல பகுதிகள் வான் போக்குவரத்து பலநாட்கள் பாதிக்கப்பட்டது.