அவதார் போன்று ரஜனியின் 'ஹரா'

எந்திரனுக்கு முன்பாகவே ஆரம்பிக்கப்பட்ட திரைப்படம் 'சுல்தான் தி வாரியார்'. ஆனால் இன்னமும் அந்த படத்தின் வேலைகள் முடிவடையவில்லை. காரணம் அனிமேஷன் திரைப்படம் என்பதுதான். இந்தியாவில் முதன்முதலாக உருவாகும் முழு நீள 3D திரைப்படம் 'சுல்தான் தி வாரியார்' என்பது இதன் சிறப்பாகும்.

பெரும் பொருட்செலவில் உருவாகும் இத்திரைப்பத்திற்கு இப்பொழுது 'சுல்தான் என்கிற ஹரா' என்று பெயர் மாற்றியிருக்கிறார்கள். ஏ.ஆர்.ரஹ்மானின் இசையில் 5 பாடல்களும் உருவாகியிருக்கின்றன. ரஜனி சம்பந்தப்பட்ட முக்கிய காட்சிகளை கே.எஸ்.ரவிக்குமார் இயக்கவிருக்கிறார். பாடல்களையும் அநேகமாக அவர்தான் இயக்குவார் என அறிவிக்கப்பட்டிருக்கிறது. ஏனைய கிறபிக்ஸ் வேலைகள் அனைத்தையும் ஐஸ்வர்யா ரஜனிகாந்த் கவனிக்கிறார்.

'அவதார்' படத்தில் பயன்படுத்தப்பட்ட தொழில்நுட்பங்களை பயன்படுத்தி எடுக்கப்படும் இத்திரைப்படம் அடுத்த வருடம் திரைக்கு வருமென எதிர்பார்க்கப்படுகிறது.