அக்கரைப்பற்றுச் சாலையிலிருந்து கட்டுநாயக்காவுக்கு புதிய பஸ் சேவை

-எம்.எஸ்.எம்.ஹனீபா

இலங்கை போக்குவரத்துச் சபையின் அக்கரைப்பற்றுச் சாலையிலிருந்து கட்டுநாயக்காவுக்கு புதிய பஸ் சேவை திங்கட்கிழமை (09) முதல் ஆரம்பிக்கப்பட்டுள்ளதாக அக்கரைப்பற்றுச் சாலை முகாமையாளர் எம்.ஏ.இர்ஸாத், நேற்று (10) தெரிவித்தார்.

காலை 6 மணிக்கு அக்கரைப்பற்றிலிருந்து புறப்படும் இந்த பஸ் காரைதீவு, சம்மாந்துறை, அம்பாறை, மஹியங்கனை, கண்டி, மாவனல்லை, கேகாலை, நிட்டம்புவ ஆகிய நகரங்கள் ஊடாக கட்டுநாயக்காவை  சென்றடையும் எனவும்  அவர் கூறினார்.

கட்டுநாயக்காவிலிருந்து மறு நாள் காலை 6.30 மணிக்கு அதே வழிப்பாதை ஊடாக அக்கரைப்பற்றைச் சென்றடையும் எனவும் அவர் கூறினார்.