அம்பாறை மாவட்ட அறநெறி மாணவர், ஆசிரியர்களுக்கு சீருடைத்துணி வழங்கி வைப்பு

ஏ.எஸ்.எம்.முஜாஹித்

அம்பாறை மாவட்டத்திலுள்ள அறநெறி பாடசாலையில் கல்வி பயிலும் மாணவர்களுக்கும், கற்பிக்கும் ஆசிரியர்களுக்கும் இந்து சமய மற்றும் கலாசார அலுவல்கள் திணைக்களத்தினால் ஞாயிற்றுக்கிழமை (27) காரைதீவு பிரதேச செயலகத்தில் வைத்து சீருடை துணிகள் வழங்கி வைக்கப்பட்டன.

இதன்போது, மாவட்டத்திலுள்ள 62 பாடசாலைகளில் கல்வி பயிலும் 3,500 மாணவர்களுக்கான சீருடை துணிகள் குறித்த பாடசாலை ஆசிரியர்களிடம் கையளிக்கப்பட்டன. இதேவேளை 29 ஆசிரியர்களுக்கும் சீருடைக்கான சாரிகள் வழங்கி வைக்கப்பட்டன.