உணவகத்தை மூடுமாறு உத்தரவு

அம்பாறை, சம்மாந்துறை பிரதேசத்தில் நுகர்வுக்குப் பொருத்தமில்லாத சுகாதாரமற்ற பொருட்களையும் உணவுப் பண்டங்களையும் விற்பனைக்காக வைத்திருந்த உணவகமொன்றை மூடுமாறு, சம்மாந்துறை நீதவான் எச்.எம்.எம். பஸீல் உத்தரவிட்டார்.

சம்மாந்துறை சுகாதார வைத்தியதிகாரி எம்.எம்.எம். சாபீர்  தலைமையில் கடந்த புதன்கிழமை (14) பொதுச் சுகாதார பரிசோதகர்கள் குழுவினர் மேற்கொண்ட திடீர் சுற்றி வளைப்பின் போது, குறித்த உணவக உரிமையாளருக்கெதிராக வழக்குத் தாக்கல் செய்யப்பட்டது.

இவ்வழக்கு விசாரணை, நேற்று (16) எடுத்துக் கொள்ளப்பட்ட போது உணவகத்தை மூடுமாறு நீதவான் உத்தரவிட்டார்.  

மேலும், எதிர்வரும் மார்ச் மாதம் 21ஆம் திகதிக்கு வ​ழக்கை, நீதவான் ஒத்திவைத்தார்.