கல்முனை மாநகரசபையில் பட்ஜெட் நிறைவேற்றம்

-அஸ்லம் மௌலானா

கல்முனை மாநகரசபையின் 2016ஆம் ஆண்டுக்கான வரவு -செலவுத்திட்டம் நேற்று வியாழக்கிழமை  வாக்கெடுப்பின்றி ஏகமனதாக அங்கிகரிக்கப்பட்டுள்ளது.

மாநகர முதல்வர் எம்.நிஸாம் காரியப்பரினால் இ வரவு -செலவுத்திட்டம்  சமர்ப்பிக்கப்பட்டது.

இது தொடர்பான விவாதங்களைத் தொடர்ந்து வாக்கெடுப்பின்றி அனைத்து உறுப்பினர்களினதும் ஏகமனதான  ஆதரவுடன் குறித்த வரவு -செலவுத் திட்டம் நிறைவேற்றப்பட்டது.

கல்முனை மாநகர சபையில் முதல்வர் உட்பட 11 உறுப்பினர்கள் ஆளும் ஸ்ரீ லங்கா முஸ்லிம் காங்கிரஸ் தரப்பிலும் தமிழ்த் தேசியக் கூட்டமைப்பை சேர்ந்த நால்வர் உட்பட 8 உறுப்பினர்கள் எதிர்த் தரப்பிலும் அங்கம் வகிக்கின்றனர்.

இவர்களுள் எதிர்த்தரப்பைச் சேர்ந்த  ஐக்கிய மக்கள் சுதந்திர முன்னணி உறுப்பினர்கள் இருவர் இன்று சபைக்கு சமூகமளித்திருக்கவில்லை.