சூதாடியவர்கள் கைது

- கனகராசா சரவணன்

அக்கரைப்பற்று மாநகரசபை பொதுச் சந்தைக் கட்டத்தில் சூதாட்டத்தில் ஈடுபட்ட ஐவர், நேற்று சனிக்கிழமை (09) இரவு 8.30க்கு கைதுசெய்யப்பட்டுள்ளதுடன், அவர்களிடமிருந்து பணமும் மீட்கப்பட்டுள்ளதாக அக்கரைப்பற்றுப் பொலிஸார் தெரிவித்தனர்.

பொலிஸாருக்குக் கிடைத்த தகவலையடுத்து குறித்த கட்டடத்தில் மாடிப்பகுதியில் சூதாட்டத்தில் ஈடுபட்டுக்கொண்டிருந்த ஐவரும் கைதுசெய்யப்பட்டுள்ளனர்.

இச்சம்பவத்தில் கைது செய்யப்பட்டவர்களை இன்று ஞாயிற்றுக்கிழமை (10) பொலிஸ் பிணையில் விடுவித்து நாளை  திங்கட்கிழமை (11) நீதிமன்றத்தில் ஆஜராகுமாறு பொலிஸார் உத்தரவிட்டனர்.