‘நிவாரண நிதிக்கு விண்ணப்பியுங்கள்’

2017ஆம் ஆண்டு பெரும்போக நெற்பயிர்ச் செய்கைக்கான உர நிவாரண நிதியைப் பெறுவதற்கான விண்ணப்பம் கோரப்பட்டுள்ளதாக, பாலமுனை கமநல சேவை அபிவிருத்தி உத்தியோகத்தர் ஏ.எல். அஷ்ரப் தெரிவித்தார்.

விவசாயிகள், தங்களது விவசாயக் குழுவின் ஊடாக விண்ணப்பப்படிவத்தைப் பெற்று, கமநல சேவை நிலையத்தில் உறுதிப்படுத்தி, மீண்டும் விவசாயக் குழுவிடம் ஒப்படைக்க வேண்டுமெனவும் அவர் தெரிவித்தார்.

உர நிவாரணப் பணத்தை வைப்பிலிடுவதற்கு விவசாயிகளால் முன்மொழியப்படும் இலகுவான வங்கி, அதன் கிளை மற்றம் இலக்கம் என்பன சரியாக குறிப்பிட வேண்டுமெனவும் அவர் மேலும் தெரிவித்தார்.