பொங்கல் விழாவும் நியமனம் வழங்கும் நிகழ்வும்

-வி.சுகிர்தகுமார்  

பொங்கல் விழா மற்றும் அறநெறி பாடசாலை ஆசிரியர்களுக்கான நியமனம் வழங்கும் நிகழ்வு ஆலையடிவேம்பு பிரதேச இந்து மாமன்றத்தின் தலைவர் வே.சந்திரசேகரம் தலைமையில் மாமன்ற கட்டடத்தில் நேற்று(16) நடைபெற்றது.

இந்நிகழ்வில் அம்பாறை மாவட்ட நாடாளுமன்ற உறுப்பினர் கவீந்திரன் கோடீஸ்வரன் பிரதம அதிதியாக கலந்து கொண்டு 40ஆசிரியர்களுக்கான நியமனங்களை வழங்கி வைத்தார்.

இந்நிகழ்வில், ஆலையடிவேம்பு பிரதேச அறநெறிப் பாடசாலைகளுக்கு பொறுப்பான அம்பாறை மாவட்ட பிரதம உள்ளக கணக்காய்வாளர் கே.கனகரெத்தினம், பரீட்சைக்குழு பொறுப்பாளர் எம்.காளிதாசன் உள்ளிட்ட மன்றத்தின் அங்கத்தவர்கள் பலர் கலந்து கொண்டனர்.