பாலியல் துஷ்பிரயோகச் குற்றச்சாட்டில் ஒருவருக்கு விளக்கமறியல்

-எஸ்.ஜமால்டீன்

ஒன்பது வயதுச் சிறுவனை பாலியல் துஷ்பிரயோகத்துக்கு உட்படுத்திய குற்றச்சாட்டில் கைதுசெய்யப்பட்ட 60 வயதுடைய ஒருவரை  எதிர்வரும் 08ஆம் திகதிவரை விளக்கமறியலில் வைக்குமாறு அக்கரைப்பற்று மாவட்ட நீதிமன்ற நீதவானும்  மேலதிக நீதவான் நீதிமன்ற நீதவானுமான திருமதி நளினி கந்தசாமி, சனிக்கிழமை (27) உத்தரவிட்டார்.

அம்பாறை, அட்டாளைச்சேனைப் பிரதேசத்தில் வீதியில் விளையாடிக்கொண்டிருந்த இச்சிறுவனை மேற்படி நபர், தனது வீட்டுக்கு  அழைத்துச்சென்று பாலியல் துஷ்பிரயோகத்துக்கு உட்படுத்தியுள்ளார். இச்சம்பவம் தொடர்பில் கேள்விப்பட்ட அச்சிறுவனின் தாய், பொலிஸில் முறைப்பாடு செய்ததைத் தொடர்ந்து, விசாரணை மேற்கொண்டு இச்சந்தேக நபரைப் பொலிஸார் கைதுசெய்திருந்தனர்.