கிழக்கு மாகாண மீனவர்களுக்கு தொலைத்தொடர்பு சாதனங்கள் வழங்க ஏற்பாடு

-ரீ.கே.றஹ்மத்துல்லா

கிழக்கு மாகாணத்தைச் சேர்ந்த மீனவர்களின் பாதுகாப்பு நலன் கருதி அவர்களின் ஆழ்கடல் இயந்திரப் படகுகளுக்கு தொலைத்தொடர்பு சாதனங்களை வழங்குவதற்கு நடவடிக்கை எடுக்கப்படவுள்ளதாக ஸ்ரீ லங்கா முஸ்லிம் காங்கிரஸின் பிரதித் தலைவரும் விளையாட்டுத்துறை பிரதி அமைச்சருமான எச்.எம்.எம்.ஹரீஸ் தெரிவித்தார்.

மீன்பிடி மற்றும் நீரகவளங்கள் அமைச்சர் மஹிந்த அமரவீரவுடன் அவரது அமைச்சு அலுவலகத்தில் புதன்கிழமை (18) நடைபெற்ற கலந்துரையாடலின்போதே, இது தொடர்பில் தெரிவிக்கப்பட்டதாகவும் அவர் கூறினார்.

அம்பாறை, மட்டக்களப்பு, திருகோணமலை மாவட்டங்களைச் சேர்ந்த மீனவர்களின் பாதுகாப்பு நலன் கருதி அவர்களின் ஆழ்கடல் இயந்திரப் படகுகளுக்கு தொலைத்தொடர்புச் சாதனங்களை வழங்குவதற்கு அமைச்சர் இணக்கம் தெரிவித்துள்ளார் எனவும் அவர் கூறினார்.