மோட்டார் சைக்கிள் திருடிய சிறுவனை சீர்திருத்த பாடசாலையில் ஒப்படைக்க உத்தரவு

-எம்.எஸ்.எம்.ஹனீபா

மோட்டார் சைக்கிள் திருடிய 13 வயதுச் சிறுவனை கெப்பிட்டிபொல சிறுவர் சீர்திருத்த பாடசாலையில் ஒப்படைக்குமாறு சம்மாந்துறை நீதவான் நீதிமன்ற நீதவான் எச்.எம்.எம்.பஸீல், இன்று திங்கட்கிழமை (10) உத்தரவிட்டுள்ளார்.

03 வருடங்களுக்கு அச்சீர்திருத்தப் பாடசாலையில் இருக்கும் வகையில் சிறுவர் நன்னடத்தை திணைக்கள அதிகாரிகள் ஊடாக சிறுவனை ஒப்படைக்குமாறு அவர் உத்தரவிட்டுள்ளார்.

சம்மாந்துறை பள்ளிவாசல் ஒன்றில் கடந்த புதன்கிழமை (05) நிறுத்திவைக்கப்பட்டிருந்த மோட்டார் சைக்கிள் காணாமல் போனதை அடுத்து, அதன் உரிமையாளர் பொலிஸில் முறைப்பாடு செய்திருந்தார்.

இது தொடர்பாக பொலிஸார் மேற்கொண்ட விசாரணையின் பின்னர் குறித்த சிறுவன் மோட்டார் சைக்கிளை தெரியவந்த நிலையில், அச்சிறுவன் கைதுசெய்யப்பட்டதுடன், மோட்டார் சைக்கிளும் கைப்பற்றப்பட்டது.