17,566 வாக்களர்களுக்கு 15 வாக்களிப்பு நிலையங்கள்

உள்ளூராட்சிமன்றத் தேர்தலுக்கான இறுதிப் பிரசாரங்கள் நேற்று (07) நள்ளிரவுடன் நிறைவுற்ற நிலையில், அம்பாறை மாவட்டத்தின் ஆலையடிவேம்பு பிரதேசம் அமைதியாகக் காணப்படுகின்றது.

10 வட்டாரங்களை உள்ளடக்கிய இப்பிரதேச சபைக்காக நான்கு கட்சிகளின் சார்பாக 64 வேட்பாளர்கள் களம் இறங்கியுள்ளதுடன், 16 உறுப்பினர்கள் தெரிவுசெய்யப்படவுள்ளனர்.

ஆலையடிவேம்பு பிரதேச சபைக்குட்பட்ட பிரதேசங்களில் 17,566 வாக்களர்கள் பதிவு செய்யப்பட்டுள்ளதுடன், 15 வாக்களிப்பு நிலையங்களும் ஏற்படுத்தப்பட்டுள்ளன.

மேலும், 10 இடங்களில் வாக்கு எண்ணும் பணிகளும் இடம்பெறவுள்ளதாக, ஆலையடிவேம்பு பிரதேச செயலக பிரதேச செயலாளரும் பிரதேச தெரிவத்தாட்சி அலுவலருமான வி.ஜெகதீசன் தெரிவித்தார்.