2ஆவது தடவையாகவும் பீடாதிபதி

தென்கிழக்கு பல்கலைக்கழக இஸ்லாமிய கற்கைகள், அரபு மொழி பீடத்தின் பீடாதிபதியாக இரண்டாவது தடவையாகவும் கலாநிதி எஸ்.எம்.எம். மஸாஹிர் நியமிக்கப்பட்டுள்ளாரென, தென்கிழக்கு பல்கலைக்கழகத்தின் உபவேந்தர் பேராசிரியர் எம்.எம்.எம். நாஜீம் தெரிவித்தார்.

2014.11.29ம் திகதியிலிருந்து, இஸ்லாமிய கற்கைகள் அரபு மொழிப் பீடத்துக்கு முதற்தடவையாக பீடாதிபதியாக கடமையாற்றிய இவர், இரண்டாவது தடவையாகவும் பீடாதிபதியாகத் தெரிவு செய்யப்பட்டுள்ளார்.

இவர், மேலும் மூன்று வருடங்கள் கடமையாற்றவுள்ளார்.

பேராதனை பல்கலைக்கழகத்தில் விசேட இளமாணி, முது தத்துவமாணி பட்டத்தையும், மலேசிய பல்கலைக்கழகத்தில் கலாநிதி பட்டத்தையும், றியாத் மன்னர் சவூத் பல்கலைக்கழகத்தில் பட்ட பின் படிப்பு டிப்ளோமா ஆகிய பட்டங்களையும் பூர்த்தி செய்துள்ளார்.