சட்டவிரோதமாக விற்கப்படவிருந்த கொக்குகளும் சந்தேகநபரும் கைது

(எம்.ஐ.எம்.அஸ்ஹர்)

அம்பாறை மாவட்டத்தின் சம்மாந்துறை பொலிஸ் பிரிவிற்குட்பட்ட மாவடிப்பள்ளி கிராமத்தில் சட்டவிரோதமாக பிடிக்கப்பட்டு  விற்பனை செய்யப்படுவதற்காக தயார்நிலையில் வைக்கப்பட்டிருந்த ஆறு வயல் கொக்குகளையும் சந்தேக நபரையும் சம்மாந்துறை வன பரிபாலன திணைக்கள அதிகாரிகள் இன்று வெள்ளிக்கிழமை கைதுசெய்தனர்.

வன பரிபாலன திணைக்கள அதிகாரிகளுக்கு கிடைத்த தகவலின் அடிப்படையில் வன பரிபாலன திணைக்கள அதிகாரி டபிள்யு .ஜீ.கீர்த்திசிறியின் பணிப்புரையின் பேரில் வனபரிபாலன உத்தியோஸ்தர்  பீ.யோகேஸ்வரன் சிவில் பாதுகாப்பு அதிகாரிகளான நுவான் சிந்தக மற்றும் ஈ.எம்.நந்திக பண்டார ஆகியோர் மேற்கொண்ட திடீர் பரிசோதனையின் போதே சந்தேகநபருடன் கொக்குகளும் கைப்பற்றப்பட்டன.

இது தொடர்பான மேலதிக விசாரணைகளை சம்மாந்துறை பொலிஸார் மேற்கொண்டு வருகின்றனர்.