கல்முனை மாநகரசபை ஆணையாளரை தாக்க முற்பட்டதாக முன்னாள் உறுப்பினர் மீது புகார்

(அப்துல் அஸீஸ்)

கல்முனை மாநகரசபை ஆணையாளர் எம்.எம்.நியாஸை முன்னாள் கல்முனை மாநகரசபை உறுப்பினர் தாக்க முற்பட்ட சம்பவம் ஒன்று இன்று கல்முனை மாநகரசபையில் இடம்பெற்றுள்ளதாக பொலிஸில் முறைப்பாடு செய்யப்பட்டுள்ளது.

ஆவணம் ஒன்றில் கையொப்பமிடுமாறு தாக்கமுற்பட்டவர் ஆணையாளரை கோரியபோது,  இந்நடவடிக்கைக்கு தேவையான ஏனைய ஆவணங்களை இணைத்து தருமாறு, இதற்கு பொறுப்பான மாநகரசபை ஊழியரை ஆணையாளர் பணித்துள்ளார்.

இதன்போது, மேற்படி முன்னாள் உறுப்பினர் தகாதவார்த்தை பிரயோகங்களுடன் ஆணையாளரை தாக்கமுற்பட்ட போது அவ்விடத்தில் இருந்த மாநகரசபை உறுப்பினர் ஒருவர் தடுத்துள்ளதாக மேற்படி முறைப்பாட்டில் குறிப்பிடப்பட்டுள்ளது.
சம்பவம் தொடர்பான மேலதிக விசாரணைகளை கல்முனை பொலிஸார் மேற்கொண்டு வருகின்றனர்.