சிவில் பாதுகாப்புக் குழு அங்கத்தவர்களுக்கு அடையாள அட்டை கையளிப்பு

(ஹனீக் அஹமட்)

அக்கரைப்பற்று பொலிஸ் பிரிவுக்குட்பட்ட அட்டாளைச்சேனை, கோணாவத்தை, 8ஆம் பிரிவு கிராமிய சிவில் பாதுகாப்புக் குழு அங்கத்தவர்களுக்கான அடையாள அட்டை வழங்கும் நிகழ்வு நேற்று புதன்கிழமை கோணாவத்தை மீனவர் இறங்கு துறைமுகக் கட்டிடத்தில் இடம்பெற்றது.

கோணாவத்தை ஜும்ஆ பள்ளிவாயல் தலைவர் எஸ்.எல்.எம்.ஏ. ஜப்பார் தலைமையில் நடைபெற்ற இந்நிகழ்வில், அக்கரைப்பற்று பொலிஸ் நிலையப் பொறுப்பதிகாரி எம்.ஜி.ரசீன் முகம்மட், ஒலுவில் உப பொலிஸ் நிலையப் பொறுப்பதிகாரி எம்.எச்.எம்.ஹசீப் ஆகியோர் அதிதிகளாகக் கலந்து கொண்டனர்.